Ова е еден необичен поглед на Будимпешта, што верувам, повеќето од вас не ја виделе. Или барем оние што веќе ги посетиле само туристичките места од градот. Верувам дека секој град има своја скриена, внатрешна убавина, но мора да ја бараме, да шетаме наоколу по сокаците. Туристичките места можеме да ги видиме и на интернет, но овие волшебни магични ќошиња кажуваат повеќе приказни, имаат скриено повеќе тајни од повеќето места натрупани со гужви, а тоа е нешто што не можете лесно да се пребара на интернет. И, секако, Дана ми го испрати она што го сакам. Секако оваа разгледница, овој поглед е невообичаен и за неа, посебно откако ја откри разгледницата од соседството каде што живеела кратко време … да, таа била тука краток период. И гледајќи ги овие прекрасни камени куќи и есенски тротоари, можам да ја замислам атмосферата наоколу … едноставно ја обожавам.
Дополнителни информации – Морам да спомнам дека во Будимпешта го јадев највкусно топло чоколадо со сладолед. Беше топол, но врнежлив ден надвор и совршено се вклопуваше со расположението внатре, во старомодното кафуле…
Прекрасниот град Будимпешта е составен од два дела кои се одделени со реката Дунав. Двете населби познати како Будим и Пешта, се поврзани со неколку мостови.
Будимпешта има значително голем број на термални извори во светот. На дневна основа, 70 милиони литри вода се слеваат таму, на површината на земјата.
Синагогата во Будимпешта на улица Дохани, е најголема синагога во Европа и втора по големина во светот. Oвој свет храм има капацитет за седење на 3.000 луѓе и простор за стоење за уште 2000 луѓе.
Во Градскиот парк во Будимпешта има статуа на фигура со капа уште позната како Анонимус. Статуата го претставува анонимниот писател кој ја напишал историја на раните Маџари, а седи спроти замокот Вајдахунјад, држејќи пенкало во раката. Легендата вели тој што ќе го допре пенкалото на статуата ќе биде благословен со творечки вештини односно пишување. Можеби не верувате, но мазната и сјајна површина на пенкалото кажува дека многумина веруваат. Морам да кажам дека откако го допрев, зборовите не престануваат да излегуваат од мене.
