Полска

Полска е мојата љубов. Всушност Гдањск е мојата љубов, но се наоѓа во Полска, нели?
Полска ми е втора татковина, место каде што се чуствувам како дома, каде што се осеќам добредојдено, место каде што имам пријатели како семејство. Пријатели со кои сум споделила многу, многу среќни моменти, луѓе кои ме натерале да сфатам дека имам квалитети и дека треба да ги следам своите соништа.
Таму дознав за вистинската љубов, не за онаа романтичната, туку за животот, за малите нешта, за малите моменти, малите разговори, кои всушност имаат голем дел во мојот живот, многу смеења, многу среќа.
Животот го делам на пред Полска и после Полска.
Секако, после Полска не сум иста како порано. И ми се допаѓа тоа. Ми се допаѓа тоа што сум станала. Ми се допаѓа дека сум отворена за нови промени. Во ред е да се адаптираме, да се развиваме и да инвестираме во себеси.
Се надевам дека ќе имам многу можности во иднина да си го посетам моето омилено место.