Ана е моја драга пријателка од Македонија, која патува многу многу често. И таа секако знае како да ми го разубави денот од местата што ги посетува. Сме поминале прекрасна вечер во Битола, пред неколку години, со бескрајни приказни и разговори и се надевам дека во блиска иднина ќе го повториме тоа.
Дополнителни информации – Зарагоза (Сарагоса) е главен град на Арагон, автономен регион во Шпанија, кој порано имал свое кралство. Сарагоса е многу убав град кој е основан пред околу 2000 години, град со богата историја и е дом на многу големи споменици, палати и куќи. За љубителите на уметноста, Сарагоса е најдоброто место за уживање на делото на Франциско де Гоја и го има во музејската колекција на Музејот Иберкаја Сарагоса Гоја.
На разгледницата можете да го видите мостот Пуенте де Пиедра кој се протега преку реката Ебро. Мостот Пуенте де Пиедра исто така се нарекува и Мост на лавовите, бидејќи во 1991 година на столбовите на секој крај на мостот се поставени четири лавови.
Веднаш зад мостот се наоѓа и Катедралата – Базилика на Пресвета Богородица на столбот. Искрено не знам кој детал попрво да ви го кажам за оваа грандиозна убавица, но тие што сте заинтересирани прочитајте повеќе на линкот:
https://casavirgendelpilar.com/en/who-we-are/our-lady-of-the-pillar/
