Fiona, Malaysia 
Violet, Malaysia
За Бадник ги избрав токму овие прекрасни разгледници.
Две различни божиќни песни, испратени од различни луѓе, но и двете од Малезија, ми посакаа среќни празници истата година, 2014. Навистина неверојатно. Каква случајност. Ги обожавам песните, ги обожавам разгледниците со самите песни … ги обожавам празниците. И покрај тоа што сум православна, и Божиќ го славиме на 7-ми јануари, јас ги сакам и двата Божиќа.
Порано кога патував многу, го славев католичкиот Божиќ со моите пријатели од Полска, Германија, Романија … и потоа ќе се вратевме заедно кај мене дома за тука да го прославиме православниот Божиќ со моето семејство … Многу дружби, фамилијарни збиранки, јадења, насмевки и прегратки, подароци и опкружени со убави и позитивни луѓе. Ми недостига тоа време. Се надевам веќе следната година повеќе ќе уживаме во празниците.
Оние кои слават сега, ви посакувам среќен Божиќ и Среќна Нова Година. Чувајте се заедно со семејството.